OS NOMES DOS LUGARES

Situémonos primeiro:

• Desde o alto do monte da Fracha, que se prolonga co monte Loureda, podemos ver a cidade de Pontevedra e, de Norte a Sur, parte das parroquias do concello homónimo, como Mourente, Marcón ou Tomeza, o lugar de Bértola (do concello de Vilaboa) e Figueirido.

•  Cómpre lembrar tamén, co fin de entendermos mellor a orixe de moitos dos topónimos da zona, que A Fracha sinala a divisoria entre a cunca do río Lérez e as cuncas do Verdugo e do Oitavén.
• Para consultar todos os nomes das parroquias aludidas e dos seus respectivos lugares podedes entrar nestes enlaces:

          Nomenclator da Xunta de Galicia

          Concello de Pontevedra

• Neste traballo só imos estudar os nomes dos lugares das parroquias máis próximas á Fracha: Marcón, Tomeza, Mourente e A Canicouva.

• En primeiro lugar non podemos pasar por alto o principal topónimo inspirador deste traballo, A Fracha, do latín FRACTA, “brecha” en baixo latín. Terreo con aristas rochosas, pasos. Terreo abrupto con pedras soltas e rotas. Orotopónimo no que o grupo –CT- evoluciona a –ch-.